Республикын ветеринарий комитетше квалификацийым нӧлтымо курсым эртара

             «Агробизнес кадрым уэш туныктымо марий институт» негызеш республикын ветеринарий комитетше ветеринар врач-ветсанэксперт- влаклан квалификацийым нӧлтымо курсым эртара. Тушто тергымашым эртышаш продукцийын лӱдыкшыдымылыкшым ыштымаште ветеринар законодательствым шуктымо шотышто шинчымашым пуат. Тунеммашке республикысе ветсанэксперт- влакым ӱжмӧ. Тудым почмаште втеринарий комитетыш пурышо кугыжаныш тӧнежлам вуйлатыше- влак лийыныт. Ветеринарий Комитетым вуйлатыше  Валентина Вавилова Россий мучко пижедылше чер- влак- ящур, сӧснан африкан чума, кайыкын гриппше чер шотышто куштылго огыл обстановка манын палемден. Тудо Марий Элымат тӱка. Кугыжаныш ветеринар служба чер дене кучедалмаште эре ончылно улеш. Чыла контрольышто лийже манын, ветеринар специалист- влакын кӱкшӧ профессионализмышт кӱлеш,- палемден тудо. Специалист- влак тӱрлӧ йыжыҥым авалтыше шуко йодыш дене умылтарымашым пуэныт. Практик занятийым «ЭкоРынкыште» да амалкалче Казарянын вольыкым шӱшкылмӧ цехыштыже эртареныт. Тунеммаш тестирований семын иктешлымаш дене мучашлалтын. Ветеринар специалист- влак кӱкшӧ шинчымашым да профессионализмыштым пеҥгыдемден ончыктеныт.
            Фото: Республикын ветеринарий комитетше.