Рушарнян чодыра отрасльын пашаеҥже- влак шке профессионал пайремыштым палемденыт

             Рушарнян чодыра отрасльын пашаеҥже- влак шке профессионал пайремыштым палемденыт. Молгунамсе семынак пайрем кечын ойыртемалтше пашаеҥ- влаклан наградым кучыктымо. Торжественный церемонийыште Правительстве вуйлатышын икымше алмаштышыже Евгений Кузьмин, Правительстве председательын алмаштышыже Степан Воронцов, профсоюз организаций ушемым вуйлатыше, пӱртӱс поянлык министр Алексей Киселёв лийыныт. Тений «Марий Элын сулло лесоводшо» чап лӱмым «Район- влак кокласе  Эрвел чодыра виктемын» вуйлатышыже Алексей Антиповлан пуымо. Российысе пӱртӱс поянлык министерствын «Чодыран почётан пашаеҥже» отличий знакше дене Килемар велысе Кумья лесничествын инженерже Михаил Яичников ден Марий Турек лесничествын инженерже Леонид Ишмуратов палемдалтыныт. Чодырасе кугу тулым йӧртымаште ойыртемалтмылан Марий Элым вуйлатышын тауштымашыжым тракторист Роман Кислицынлан, район- влак кокласе касвел чодыра виктемым вуйлатышын алмаштышыже Николай Бушуевлан увертарыме. Республикым вуйлатышын тауштымашан серышыжым Юрино лесничествын директоржо Александр Дерябинлан, Авиалесоохранын видительже Евгений Блохинлан, доброволец Пётр Румянцевлан да молыланат кучыктымо. 
             Фото: Марий Элысе пӱртӱс поянлык министерстве.