«Фермер школышко» республикысе кокымшо тӱшка аграрий- влак тунемаш толыныт

            «Россельхозбанкын» «Фермер школышкыжо» республикысе кокымшо тӱшка аграрий- влак тунемаш толыныт. 19-ше сентябрь гыч элысе 22 регионышто 650 ял озанлык пашаеҥ шинчымашым погаш тӱҥалын. Нуно кок тылзат пеле жапыште вӱдышӧ агровузлаште теорийым шымлат да ончыл агропредприятийлаште практикым эртат, шке бизнес-планыштым ямдылат да аралаш тӱналыт. Пашаш шукерте огыл ушнышо- влак пайдале агробизнесым тӱналтыш гычак виктараш тунемыт, а нунын опытанрак йолташышт озанлыкыщтын пайдалыкшым нӧлталыт. Школын студентше- влак «Шӧр да шыллан вольыкым ончымаш» да «Сырым ыштымаш» программым тунемыт. Сентябрьыште Россельхозбанк «Фермер школыш» кудымшо гана чумыра. Ончычсо вич курсыштыжо тунемше кок тӱжемат 500 еҥ бизнес-проектшым шыҥдараш тӱҥалын. Марий Элыште туныктымаш Марий университетын Аграрно-технологий институтшо негызеш эрта.
               Фото: «Россельхозбанк» АО.