Республикысе шӱдӧ дене пӧртыш канде тул толеш

             Республикысе шӱдӧ дене пӧртыш канде тул толеш. Ял кундемлашке газым пуртымо шотышто президент программым кузе шуктымым Россий правительствыште каҥашыме. Марий Элым вуйлатышын пашажым шуктышо Юрий Зайцев Россий Правительство председательын алмаштышыже Александр Новакын эртарыме совещанийыште лийын. Видеоконференцкыл йӧн дене погынышо – влак газификацийын социал пайдале системыжым шыҥдарыме да регионлашке газым пуртымо, догазификаций шотышто кӱштымашыжым кузе шуктымым каҥашеныт. Александр Новак палемден: тений идалык мучаш да вес ий тӱналтыш марте президент  газым кондымо яллаште мланде участке марте пучым шупшаш кӱштен ыле. Таче кечылан тыгай пашам шукташ ик миллионат 37 тӱжем йодмаш пурен. Кок тылзыште гына 100 тӱжемлан ешаралтын. Нунын кокла гыч 692 тӱжем йодмашыжым налме, 580 тӱжем ойпидышым кылдыме.
             Марий Элыште газификаций 84 процентыш шуын. 19-ше сентябрь марте  догазификаций программыш вич тужемат 800 утла йодмаш пурен. 340 ялыште участке чек марте кок тӱжемат 880 йодмаш почеш пучым пыштыме. Тӱжемат 223 пӧртыш газым пуымо. Чылаже ныл тӱжемат 100 утла ойпидышым пеҥгыдемдыме.
             Фото: Марий Элым вуйлатышын организаций да аналитик виктемже.