Курык марий районын ЮИД командыже Россий конкурсышто Марий Элын чапшым арала

              Курык марий районысо Виловат школын самырык корно инспектор- влак командыже «Лӱдыкшыдымӧ орава» Россий кӱкшытан конкурсышто Марий Элын чапшым арала. Тудо тений апрель-майыште республике кӱкшытан конкурсышто сеҥышыш лектын ыле. Ынде финалыште улыт. Тудо Калуга областьыште 22-шо гыч 29-ше сентябрь марте эрта да Российысе чыла кундем гыч корнын самырык инспекторжо- влакым чумырен. Таҥасыме икмыняр кечыште юидовец- влак корно правилым эн сайын палымым, кӧн икымше полышым эн чын пуэн моштымыжым, велосипед дене эн сайын коштын моштымыштым, велосипед дене фигурнын коштын моштымыштым ончыктат, корнышто лӱдыкшӧ деч посна коштмо негызым палымышт шотышто экзаменым кучат да усталык конкурсышто таҥасат.
             Фото: Туныктыш министерстве.