Таче элыштына частичный мобилизаций тӱналын

          Таче эрдене Российын Президентше Владимир Путин калык деке обращений дене лектын. Тудо элыштына военный службыш частичный мобилизацийым увертарен. Тудын радамыште призывыш ондак службым эртыше, кызыт запасыште шогышо, посна военно-учёт специальностян да опытым погышо- влак логалыт. Частьыш колтымо деч ончыч нуно  Украиныште специальный операций кайыме годым Россий армийын налме опытшым шотыш налын ешартыш военный ямдылалтмашым эртышаш улыт,- каласен Владимир Путин. Президент ешарен: спецоперацийын тӱҥ цельже тудак кодеш: эн ончыч Донецк да Луганск калык республике- влакым утарымаш. Чылаже 300 тӱжем еҥым тиде мобилизаций тӱкышаш але элысе военнообязанный еҥ- влакын ик процентшым. Оборона министр Сергей Шойгу умылтарен: тиде Указ кӧм огеш тӱкӧ. Эн ончычак студент- влакым да призыв почеш армийыште службым эртыше- влакым. Президентын Указше «запасник»- влак деке виктаралтын. Тиде армий нерген нимом палыдыме еҥ- влак огыл. А служитлен толшо, армийыште кӱлешан военно-учётный специальностян да боевой опытан еҥ- влак,- каласен Сергей Шойгу.
             фото: источник photogenica.ru, автор Evgenyi