Эрла, 23-шо сентябрьыште, Марий Элым вуйлатышын инаугурацийже лиеш

           Эрла, 23-шо сентябрьыште, Марий Элым вуйлатышын инаугурацийже лиеш. Икымше гана Марий Элын сайлыме вуйлатышыжын должностьыш шогалме торжественный церемонийыште пӱтынь марий йоча хорын шӱдӧ наре участникше мура. Нуно орган почеш Россий Федерацийын да Марий Элын Гимныштым да марий композитор Иван Ключников- Палантайын «Йывырте» произведенийжым йоҥгалтарат. Инаугураций Эрик Сапаев лӱмеш опера да балет Марий Кугыжаныш академический театрыште лиеш. Республикысе калык да моло кумылан еҥ- влак торжественный церемонийым «Марий Эл» ГТРК-ан  «гтркмарийэл.ру» сайтыштыже, «метр12.ру», «Марийская правда», «Йошкар-Ола» газетлан, «Медиапоток» увер агентствын сайтлаштышт ончен кертыт. Церемоний 15 шагатлан тӱҥалеш.
             Фото: Марий Элым вуйлатышын организаций да аналитик виктемже.