Красногорскысо каныш да тӱвыра рӱдер шолдыргаш тӱналын

             Звенигово районышто Красногорскысо каныш да тӱвыра рӱдер шолдыргаш тӱналын. Районысо прокуратура республикын прокуратурыжын кӱштымыжӧ почеш, рӱдерын технически начар улмыжо нерген социал вотышто вераҥдыме уверым терген лектын. Тиде тӧнежым 1973-шо ийыште чоҥымо. МЧС виктемын специалистше- влак дене пырля ончен лекме, пожар лӱдыкшыдымлык шотышто йодмашым пудыртымым рашемдыме огыл, но зданийже тургыжланымашым луктеш. Икмыняр пӧлемыште тувыраш гыч вӱд йога, кермыч дене оптымо тӱжвал пырдыж да ик пӧртӧнчылнӧ шаланыме верже уло. Прокуратура район администраций вуйлатышылан представленийым кучыктен. Тудо кызыт шымлымаште улеш. Рашемдыме: ямдылыме проект да смета документаций почеш зданийым пужен ышташлан 92 миллион утла теҥге окса кӱлеш лиеш. Муниципал контракт почеш документ кызыт кугыжаныш экспертизыште улеш. Район прокуратура ситуацийым контрольышто куча.