Мобилизоватлыме еҥ- влакым ямдылалтмашке колташ тӱҥалыныт

           Волжск ола гыч таче эрдене мобилизоватлыме икымше тӱшка пӧръеҥ- влакым ужатеныт. 40 еҥ Йошкар-Олашке тӱшка пунктыш толын. Волжск ола ден Волжский районын пырля ушымо военкомат гыч колтеныт. Сбор вич шагат эрдеак тӱҥалын, шым шагатлан автобус- влак верышт гыч тарваненыт. Лишыл кечылаште эше икмыняр тӱшкам ужаташ ямдылалтыт. Йошкар-Ола гычат таче кок автобус дене 100 наре еҥым колтеныт.
         Марий Эл гыч мобилизаций почеш армийыш налме еҥ- влаклан ик гана 50 тӱжем теҥге оксам тӱлат. Марий Элым вуйлатыше Юрий Зайцевын решенийже почеш мобилизаций почеш налме еҥ- влакын ешыштлан ик гана 50 тӱжем теҥге пуалтеш. Йодмашым призывым эртарыше военкоматыште возаш лиеш. Оксам республикын бюджетше ойыра. Мобилизаций почеш налме еҥ- влаклан полышым пуымо шотышто Юрий Зайцевын должностьыш шогалмекыже ик эн первый решенийже лийын.
        Фото: «Волжская правда».