Икымше декабрь гыч ЖКХ тариф эше ик гана кугемеш

                Икымше декабрь гыч республикысе калыкым ЖКХ тарифым эше ик гана кӱзыктымаш вуча. Элна мучко икымше декабрь гыч ЖКХ-лан тарифым индеш процентлан нӧлталыт. Российын Правительствыже индексацийым 2023-шо ий икымше июль гыч кусара. Тидын нерген Российын экономик вияҥмаш министерствыже увертара. Тидын годым ончыкылык ик ият пелыште але 2024-ше ий июль марте ставкым кугемдаш огыт тӱҥал. Жапым вашталтымаш ЖКХ инфраструктурым вияҥдаш да чарныде пашам ышташыже йӧным ямдылаш кӱлешлык дене кылдалтеш. Кабминын распоряженийже газлан, ырыктымылан, электричествылан, шокшо да йӱштӧ вӱдлан, кучылтмо вӱдым йоктарен колтымылан да шӱкшакым шупшыктымылан акым тӱка. ФАС индексым терген шога да амал деч посна кугемдаш ок пу.