Таче эрдене Ижевскыште шучко азап лийын

              Таче эрдене Одо кундемын Рӱдӧ олаже Ижевскыште шучко азап лийын. 88-ше номеран школыш тудым ондак тунем лекше 34 ияш Артём Казанцев  пистолет дене толын да тунемше, туныктышо, оролышо- влак ӱмбаке лӱйкалаш тӱналын. Тыге 13 еҥ ӱмыр лугыч лийын, шымытше- йоча- влак улыт. Эше 21 еҥ тӱрлӧ семын сусырген, 14-ше - йоча- влак. Марий Элым вуйлатыше Юрий Зайцев ижевскысе школышто шке лишыл еҥыштым йомдарыше- влаклан шке чаманымашыжым да ойганымашыжым каласен. Тидымат ешарен: тиде ойган жапыште Марий Элысе калык Удмуртийыште илыше- влак дене пырля ойгана, эмганыше- влаклан вашке тӧрланаш тыланен. Удмуртийыште 29-ше сентябрь марте траурым увертарыме.