Марий Элым вуйлатыше частичный мобилизацийын кузе кайымыже нерген кажне уверым шке контрольышкыжо налын

          Марий Элым вуйлатыше частичный мобилизацийын кузе кайымыже нерген кажне уверым шке контрольышкыжо налын. Келшыше кӱштымашым Регионым виктарыме рӱдерлан пуымо. Тудым вуйлатыше Виктор Трифоновлан социал вотлаште увер ден комментарийым тӱткын эскерен шогаш кӱштымӧ. Нарушенийым рашемдыме годым вигак республикым вуйлатышылан увертараш темлыме. Йоҥылыш ыштыме нерген уверым кажныжым посна тергыман. Мобилизацийыш логалдымаш еҥ- влакым службыш налаш ок лий,- каласен Юрий Зайцев. Тидын годым кажне отрасльыште службыш налшаш еҥ- влакын спискыштым ыштыман. Но тиде спискыште шуэн вашлиялтше да кӱлешан специалист- влак лийын кертыт. Нунын укелыкышыт производствылан эҥгекым конден кертеш. Тыгай уверым кажне еҥ шотышто погыман. Республикым вуйлатышын кӱштымыжӧ почеш «шокшо линий» телефон пашам ышта. Тудын номерже- 122. Тыгак чат-бот- влак пашам ыштат. Юрий Зайцев тидымат палемден: мобилизаций почеш налме ен- влак олмеш пашам ыштыме шотышто кадр йодыш ешарен ончалтеш.
             Фото: Марий Элым вуйлатышын организаций да аналитик виктемже.