Республикыштына илыме верым чоҥаш 296 гектар кумдыкан мланде банкым чумырымо
Республикыштына илыме верым чоҥаш 296 гектар кумдыкан мланде банкым чумырымо. Росреестр виктем республикысе кучем орган дене пырля пӧртым чоҥаш кучылташ лийше мланде участке- влакым умбакыже рашемдат. Могай участкым кучылташ лийме нерген решенийым оперативный штаб луктеш. Штабын черетан заседанийыште перечньышке 16 мланде участкым пурташ пунчалме. Нуно Медведево районышто верланеныт. Икымше сентябрьлан шотлымаште республикыштына ончыкылык инвестор- влаклан 296 гектар кумдыкан 106 мланде участкым темлыме. Тушечын 100 участкыже посна пӧртым чоҥаш келшыше, кудытшо – шуко пачеран пӧртым. Чоҥышо- влаклан 8 гектар утла кумдыкан 22 мланде участкым пуымо. Илыме верым чоҥышаш участке- влак нерген уверым кеч-кунам ончаш лиеш. Участкым ойырен налаш шонышо еҥ публичный кадастр картыште «Чоҥашлан мланде» сервис дене пайдаланен кертеш. Российыште мландын единый банкшым ыштымаш «Кумдык шотышто калыкле система» кугыжаныш системым шыҥдарымаште ик эн кӱлешан задаче улеш. Российысе единый банкыште 200 тӱжем гектар мланде лийшаш.
