Куяр лесничествыште 18 тӱжем тыгыде пӱнчӧ озымым шынденыт

         Куяр лесничествыште 18 тӱжем тыгыде пӱнчӧ озымым шынденыт. Республикысе уголовно-исполнительный системын пашаеҥышт Россий кӱкшытан «Сеҥымашын чодыраже» акцийыш ушненыт. Кодшо шуматкечын «Ужар Россий» экологий мер толкынын республикысе пӧлкажын еҥже- влак туныктыш министерствын полшымыжо дене пушеҥгым шындыме акцийым эртареныт. «Сеҥымашын чодыраже» - Кугу Ачамланде сарыште вуйым пыштыше- влакым шарныме кажне ийын эртарыме эколого-патриот акций. Элна мучко 27 миллион пушеҥгым шындаш палемдыме. Акций талукышто кок гана- шошым да шыжым эртаралтеш. Республикысе кугу мероприятийыш 130 утла доброволец да уголовно-исполнительный системын пашаеҥже- влак ушненыт.
             Фото: Российысе ФСИН-ын Марий Элысе виктемжын пресс-службыжо