Школ- влакын терроризм ваштареш лӱдыкшыдымылык йодышыштым республикысе правительствын заседанийыштыже каҥашыме

              Школ- влакын терроризм ваштареш лӱдыкшыдымылык йодышыштым республикысе правительствын заседанийыштыже каҥашыме. Марий Элым вуйлатыше Юрий Зайцев школ- влакын аралалтмыштым да пропускной режимыштым вияҥдаш кӱштен. Тиддеч посна регионым вуйлатыше туныктыш министерствым вуйлатышын пашажым шуктышо Лариса Ревуцкаялан школыш пурымаште лӱдыкшыдымылык ешартыш средствым вераҥдыме, школ пашаеҥ да тунемше- влак дене инструктажым да тунеммашым эртараш мыняр окса кӱлешым шотлен лекташ кӱштен. Ревуцкаян мутшо почеш тунемме тӧнеж- влак йыр савар уло, видеоэскерымсе системе, орол, тревожный кнопко, телефон кыл уло. Видеоэскерымашым 421 вере вераҥдыме, саварым 535 тӧнежыште чоҥымо, чыла школ кудывечым волгалтарыме, металлодетектор 367 тӧнежыште пашам ышта. 
             Фото: Марий Элым вуйлатышын организаций да аналитик виктемже.