Волжский районышто вӱд колонко дене пайдаланаш чарыме
Волжский районышто вӱдым налме колонко- влак дене пайдаланаш чареныт. Роспотребнадзор виктемын Волжский районысо пӧлкаже верысе «Водоканал» шотышто йӱшаш вӱд деке санитар- эпидемиологий йодмашым пудыртымылан административный правонарушений шотышто протоколым возен. Тергымаш рашемден: колонко гыч налме йӱшаш вӱд бактериологий показатель дене тыгай верлаште нормылан келшен огеш тол: Пӧтъялыште кок вере, Ӱлыл Азъялыште тыгак кок вере, Кӱшыл Азъялыште кок колонко, Шӱргыялыште ик вере, Йывансолаште кок вере, Вакутсолаште кок вере, Шарачаште ик вере. Административный пашам районысо судыш ончаш пуымо. Верысе Водоканалым административно мут кучаш да колонко- влакым 60 кечылан чараш пунчалме. Судын пунчалже эше вийым налын огыл.