«Тывырдык» марий куштымашын регион- влак кокласе фестивальже лиеш
Тений ноябрьыште Марий Эллан 100 ий темме лӱмеш республикыштына «Тывырдык» марий куштымашын регион- влак кокласе фестивальже лиеш. Тушко марий калыкын куштымаш йӱлажым арален кодаш тыршыше усталык коллектив- влакым ӱжыт. Ик кундем гыч делегаций 25 еҥ деч шуко лийшаш огыл. Тушко коллектив, вуйлатышыже, аккомпаниатор, ужатен коштшо да водитель- влак пурат. Программышке пайремым почмаш, гала-концерт, мастер-класс, ола ден районлаште выступлений- влак, совещаний, пресс-конференций, фольклор клубын пашаже, экскурсий да этнокас пурат. Фестивальым Российысе финн-угор тӱвыра рӱдер, республикысе тӱвыра министерстве да калык усталык рӱдер ямдылат.