Студент- влак теҥыз воктеке пашам ышташ каеныт
Йошкар-Ола гыч студент- влак Российысе «Орлёнок» йоча рӱдерыш пашам ышташ каеныт. 50 ӱдыр-рвезым Самырык- влакын полатышт воктеч торжественно ужатыме. Кок студент отряд радамыште нуно кухньысо пашазе, официант, повар, грузчик, пляж пашаеҥ, кушкылым шындыше семын тыршаш тӱҥалыт. Нуно чыланат ямдылалтме курсым да медицина тергымашым эртеныт. Студент отряд- влак 31-ше август марте тыршаш тӱҥалыт.