Калык-влак кокласе кыл шотышто пашалан конкурсыш йодмашым налыт

Калыкле кыл аланыште эн сай пашалан Россий кӱкшытан кумшо конкурсыш йодмашым налаш  тӱҥалме. Конкурс калык кокласе кыл, калык- влакын ойыртем ден йӱлаштым арален кодаш виктаралтше эн сай паша- влакым ойырен налаш да варажым моло кундемлаштат шыҥдараш манын эртаралтеш. 6-шо сентябрь марте элысе калык, кугыжаныш кучем орган, коммерциян да коммерцийдыме организаций- влак конкурс комиссийыш куд номинаций гыч иктышкыже шке проектыштым колтен кертыт. Номинаций- влак калык кокласе кылым вияҥдыме, калык-влакын йылмыштым, тӱвыраштым, йӱлаштым арален кодымо, калык промысел ден ремеслом вияҥдыме, кугыжаныш кучем органын калыкле кыл шотышто эн сай пашаже дене кылдалтше улыт. Кумшо конкурсым иктешлымаш сентябрьыште эрта. Сеҥыше проект- влакым Российысе кокымшо конференцийыште октябрь-ноябрьыште ончыкталтыт. Эн сай проект- влакын авторышт ончыкыжым вияҥаш да виктараш эксперт да ямдылыме полышым налыт.