Юксар школлан у интернатым да кочмыверым чоҥат
Килемар районысо Йӱксар ялыште школ пелен 30 еҥлан у пищеблокан у интернатым чоҥымо лиеш. Тыгай пунчалым Республикым вуйлатыше Александр Евстифеев Йӱксар школыш мийымыж годым пеҥгыдемден. Кызыт тиде школышто 43 икшыве тунемеш, шукынжо пошкудо ялла гыч толыт, 22 йоча школ пеленысе интернатыште ила. Тиде тунемше ден туныктышо коллектив ик кугу еш гай. Йоча- влак школ пеленысе кундемым тӱзландараш, пакча- саскам ончен-кушташ полшат. Кочмывер пашаеҥ- влак тиде саска гыч тутло кочкышым шолтат. Но кызытсе жаплан келшыше пищеблок гына ситен огыл. Ончычсыжо чот тоштемын.
Йоча- влак посна пу пӧртыштӧ иленыт. Сандене школ пелен ешарен оралтым нӧлташ да тушто интернат ден пищеблокым ышташ кутырен келшыме. Ончылгоч шотлымо почеш тидлан 58 миллион теҥге окса кайышаш. Ончылно тыгак спортзал олмыктымашым вуча. Тиде пашам вес ийын тӱҥалаш шонат: окнам, кӱварым вашталташ, вурегмым кудашме верым олмыкташ палемдыме. Визит жапыште Александр Евстифеев Кугу Ачамланде сарыште лийше-влаклан школ пелен шогалтыме мемориал воктеке пеледыш аршашым пыштен. Комплексым Сеҥымашлан 70 ий темме вашеш почмо, тӱзландарыме паша умбакыже шуйна. Тений тиде школын выпускницыже самырык- влакын Россий кӱкшытан конкурсыштышт 300 тӱжем теҥге грантым сеҥен налын. Чыла документым ямдылыме, лишыл жапыште окса толшаш. Тиде окса дене землякыштын фамилийыштым возыман 23 мемориал оҥам вераҥдаш да кодшыж дене мемориал вокелсе кумдыкым тӱзландараш шонат.
Йоча- влак посна пу пӧртыштӧ иленыт. Сандене школ пелен ешарен оралтым нӧлташ да тушто интернат ден пищеблокым ышташ кутырен келшыме. Ончылгоч шотлымо почеш тидлан 58 миллион теҥге окса кайышаш. Ончылно тыгак спортзал олмыктымашым вуча. Тиде пашам вес ийын тӱҥалаш шонат: окнам, кӱварым вашталташ, вурегмым кудашме верым олмыкташ палемдыме. Визит жапыште Александр Евстифеев Кугу Ачамланде сарыште лийше-влаклан школ пелен шогалтыме мемориал воктеке пеледыш аршашым пыштен. Комплексым Сеҥымашлан 70 ий темме вашеш почмо, тӱзландарыме паша умбакыже шуйна. Тений тиде школын выпускницыже самырык- влакын Россий кӱкшытан конкурсыштышт 300 тӱжем теҥге грантым сеҥен налын. Чыла документым ямдылыме, лишыл жапыште окса толшаш. Тиде окса дене землякыштын фамилийыштым возыман 23 мемориал оҥам вераҥдаш да кодшыж дене мемориал вокелсе кумдыкым тӱзландараш шонат.