Самырык шахматистна- влак чолга улыт
Марий Эл гыч самырык шахматист- влак Россий кӱкшытан таҥасымаш гыч сеҥымаш дене пӧртылыныт. Удмуртийысе Дебёсы селаште ялысе школлаште тунемше- влак коклаште писе шахмат да блиц дене таҥасымашым иктешленыт. Тыгай ялысе модмаш Российыште икымше гана эртаралтын. Самырык шахматист- влак блиц-модмашын 11 туржым эртареныт. Партий кум минут гына шуйна. Сандене тудо пешак оҥайлан шотлалтеш. Тиде икымше Российысе таҥасымашын иктешлыше турнирже- влак лийыныт. Организатор- влакын мутышт почеш, пӱтынь Россий гыч 57 команде радамыште 222 спортсмен лийын. Марий Элын самырык шахматистше- влак шке талантыштым пӱтынек ончыктеныт да блиц-модмаш дене командный зачётышто икымше верым сеҥен налыныт. Кокымшо верыш Татарстанын, кумшыш Башкортостанын командышт лектыныт. Личный зачетышто мемнан команде гыч Данил Новосёлов кумшо верым налын. Писе шахмат дене модмаште Марий Эл гыч Михаил Шмаров икымше лийын. Команде дене модмаште мемнан- влак кокымшо верыш лектыныт. Ончылно – Башкортостанын, кумшо верыште Татарстанын командышт улыт.