Физкультура ден спортым вияҥдаш правительствын грантшым сеҥен налаш йодмашым погаш тӱҥалме
Марий Элыште физкультура ден спортым вияҥдаш правительствын грантшым сеҥен налаш йодмашым погаш тӱҥалме. Тидын нерген спорт-туризм министерстве увертара. Грант кок корно дене пуалтеш. Тиде- тӱшка спорт да кӱкшӧ сеҥымашыш шумо спорт. Икымшыштыже 20 сеҥыше палемдалтеш да кажныже 50 тӱжем теҥгем налеш. Кокымшыштыжо 10 сеҥыше лиеш, кажныжлан 100 тӱжем теҥге грант пуалтеш. Документым тылзе наре жапыште 20-шо февраль марте Успенский уремысе 38-ше пӧртын 208 –ше пӧлемыштыже налыт.