Российысе чоҥымаш да ЖКХ министр дене пашаче кылым теният шуйымо лиеш

Теҥгече у федерал министр- влакын лӱмышт пале лиймеке, республикым вуйлатыше Александр Евстифеев Новости увер агентствылан интервьюм пуымыж годым, увертарен: Российысе чоҥымаш да ЖКХ министр Владимир Якушев должностьшым арален коден. Республике тудын дене умбакыже кылым кучаш ӱшаным арала. Тудын дене Республикым писын вияҥдыме шотышто пашан тӱҥ корныж- влак дене сай ваш умылымаш пеҥгыдемын. Ушештарена: кодшо кеҥежым Российын чоҥымаш да ЖКХ министржым Марий Элын кураторжылан пеҥгыдемдыме ыле. Тыгай куратор- влакым ятыр регион пелен пеҥгыдемдыме.