«Российын ечыгорныжо» таҥасымаш 8-ше февральыште лиеш

Марий Элысе ече дене кошташ йӧратыше-влакым «Российын ечыгорныжо» Россий кӱкшытан 38-ше таҥасымаш вуча. Тудым 8-ше февральыште эртараш палемдыме. Тудо чыла муниципал образований ден олалаште эрта. Рӱдӧ старт Корта ече базыште 12 шагатлан пуалтеш. 18 ияш да изирак ӱдыр-рвезе- влак вич меҥгым эртышаш улыт, пӧръеҥ ден ӱдырамаш- влак 10 меҥгыш куржыт, йоча да ВИП участник- влак кок тӱжемат 20 метрым эртат. Кумылан- влак ече дене ГТО нормым сдатлен кертыт. Таҥасымашке пуртымо шотышто комиссий 6-7-ше февральыште «Марий Эл» Ий полатыште пашам ышта. Таҥасыме кечын Кортыштак возалташ лиеш. Пелен паспортым але шочмо кагазым, ОМС полисым, медицина справкым налман.