Йошкар-Оласе тоштер- влакым уэмдымаш вуча

Республикысе тӱвыра, печать да калык- влакын пашашт шотышто министр Константин Иванов рӱдоласе тоштерлам вуйлатыше- влак дене вашлиймашым эртарен да тоштер- влакым олмыктымо пашам каҥашен. Мутлан, Евсеев лӱмеш калыкле тоштерын пӧлемлажым, Калык кидпаша сымыктыш тоштерым ачалаш палемдыме. Министр каласен: уэмдыме пашам шуйкалаш ок лий. Молан манаш гын, ончылно Кугу Сеҥымашлан 75 ий, Российын кечыже да Республикын 100 ияш лӱмгечыже вучат. Константин Иванов тыгак Иван Ключников-Палантайын тоштер-пӧртышкыжӧ миен. Тудо тоштерыште мероприятий- влакым композитор- влак ушем дене пырля эртараш темлен. Тидыже калыкым утларак кумылаҥдаш полшышаш.