Марий Элым вуйлатыше калыкле проект- влакым шыҥдарыме йодыш дене пашаче совещанийым эртарен

Марий Элым вуйлатыше Александр Евстифеев республикыште калыкле проект- влакым шыҥдарыме да Владимир Путинын шындыме задаче- влакым умбакыже шуктымо йодыш дене пашаче совещанийым эртарен. Проектлам шыҥдарыме икымше ий мучашлалтын, республикысе калык регионласе проектлан лектышыжым шке шинчаж дене ужын. Нуно социал сфера, тӱвыра, илыме верым чоҥымаш, оласе кумдыкым тӱзатымаш дене кылдалтыныт. Корно паша дене кылдалтше сай лектышым  федерал кӱкшытыштат палемдыме. 19-ше ийыште регион кӱкшытан 100 меҥге кужыт корным олмыктышаш улына ыле гын, 116 меҥге утла кужытым олмыктымо. Республикым вуйлатыше посна теме семын проект- влаклан федерал бюджет гыч оксам ойырымо да кучылтмо пашам ойырен. Тиде йодыш дене финанс министр Алексей Торощин докладым ыштен. Тудын мутшо почеш, кодшо ийын нине сомылым шукташ бюджет кокласе трансфертым 7 миллиардат 800 миллион теҥгем палемдыме ыле. Тушечын 5 миллиард утлаже- калыкле проект- влаклан. Марий Элым вуйлатыше палемден: калыкле проектын показательжым шуктымаш министр- влакын кажныжын посна ответственностьыштлан шотлалтеш. Сандене нуно эре контрольышто кучышаш улыт. Молан манаш гын, тудын лектышыже- калыкын илышыжым саемдымаш лийшаш.
ВКонтакт Одноклассники Facebook Twitter Livejournal Google Plus
Поделиться

Прошлые выпуски