Благовещений башньыште Шернур районлан пӧлеклалтше ончер почылтеш
Эрла Йошкар-Оласе Благовещений башньыште «Марий Элын поликультурный картыже» ончер проект Шернур районын экспозицийжым почеш. Экспонат- влак районын историйже, тӱвыраже, кызытсе жапше нерген каласкалат. Ик ужашыже палыме писатель да журналист Дмитрий Орайлан пӧлеклалтеш. Экспозицийын кугу ужашыже тошто марий вургемым да сурт- кӧргӧ арверым ончыкта. Шернурысо сӱретче- влакын пашаштымат ужаш лиеш. «Марий Элын поликультурный картыже» проект республикын 100 ияш лӱмгечыжлан тӱшка тоштер экспозицийым ышташлан ямдылалтмаш семын шотлалтеш. Тымарте 11 районым ончыктымо.