Республикысе тӱвыра министерствым вуйлатыше- влак «Тӱвыра» проектым шыҥдарыме йодыш дене селектор совещанийыште участвоватленыт

Республикысе тӱвыра министерствым вуйлатыше- влак «Тӱвыра» калыкле проектым шыҥдарыме йодыш дене селектор совещанийыште участвоватленыт. Видеосовещанийым Российысе тӱвыра министрын алмаштышыже- влак Ольга Ярилова ден Сергей Обрывалин эртареныт. Марий Элысе тӱвыра министерствын вуйлатышыже- влак Правительстве председательын икымше алмаштышыже Михаил Васютин дене пырля лийыныт. Совещанийыште 2019-ше ийлан проект почеш шуктымо пашам да тенийлан тӱҥ задаче- влакым каҥашеныт. «Тӱвыра» калыкле проект кышкарыште регионысо кум проект шыҥдаралтеш. Тиде- «Тӱвыра кумдык», «Уста еҥ- влак» да «Цифран культура». Кодшо ийын лектышыже почеш республике шыҥдараш ойырымо 100 процент оксам кучылтын. «Тӱвыра кумдык» проект почеш ялласе вич тӱвыра пӧртым олмыктымо, пӱтынь марий йоча- влакын хорыштым, духовой да симфонический оркестрыштым ыштыме, виртуал концерт зал- влакым почмо паша умбакыже шуйнен, Чавайн лӱмеш калыкле книагудо республикылан шерге книга- влакым цифроватлаш тӱҥалын.