Корно азапыште кум еҥ ӱмыр лугыч лийын

Таче эрдене 7 шагатат 30 минут гутлаште Йошкар-Ола- Уржум корнын 47-ше меҥгыштыже, Советский район кундемыште, медиццина вашке полыш «УАЗ»  ден грузовой КамАЗ автомашина ваш тӱкненыт. Тиде корно туткарыште вашкеполыш каретын водительже, фельдшер дене медшӱжарже ӱмыр лугыч лийыныт. Эше ик пассажирже эмганен. Грузовикын водительжат эмганыде кодын огыл. Происшествий верыште следственно- оперативный группа да ГИБДД-н сотрудникше- влак пашам ыштеныт. Мо-кузе лиймыже чыла рашемдалтеш.