Санкт-Петербургыш чоҥешташ билет шулдештын

Йошкар-Ола гыч Санкт-Петербургыш самолёт дене чоҥештыме ак 17-ше январь гыч шулдештын. Тидын нерген «РусЛайн» авиакомпаний увертарен. Ынде йӱдвел рӱдолаште каналташ йӧратыше- влак билетлан кум тӱжем теҥге гыч тӱҥалын тӱлат. Тиде акышкак компанийын сборжо пура, но агент сборат лийын кертеш. Мутлан, Санкт-Петербург гыч Йошкар-Олаш 7Р-289 рейс кажне вӱргече еда 8 шагатат 30 минутлан лектеш да тышке 10 шагатат 40 минутлан толын шуэш. Тыгай расписаний 25 март марте лиеш. Тыгак 22 шо март марте рушарня еда 14 шагатат 20 минутлан лектеш да Йошкар-Олашке 16 шагатат 30 минутлан толын шуэш. Марий Эл гыч кажне вӱргечын 12 шагатат 40 минутлан да рушарнян 18 шагатат 30 минутлан чоҥешта.