«Йыван Кырла. Путёвка в жизнь» спектакльым театровед дене каҥашымаш лиеш
Шушаш кугарнян Шкетан лӱмеш марий калыкле драма театрыште «Йыван Кырла. Путёвка в жизнь» спектакльым каҥашымаш лиеш. Тудым театровед, куратор да продюсер Ника Пархомовская эртара. Усталык команде - режиссёр Степан Пектеев, сӱретче Катерина Андреева да ончышо- влак дене пырля ужмо нерген, кино ден спектакльын ойыртемышт але икгайлыкышт нерген мутланымаш лиеш. Тудо спектакль деч вара вигак тӱналеш. А 25-ше январьыште 12 шагатлан Ника Пархомовская «Современный театр от А до Я: топ-5» лекцийым лудеш. Спектакльла гыч ужаш- влак ончыкталтыт.