Тений закондымын ужалкалыше- влак шотышто 17 протоколым возымо
Закондымын ужалкалыше- влак шотышто 17 протоколым возымо. Йошкар-Ола администрацийын еҥышт МВД виктемын пашаеҥышт дене пырля ужалкалыме объектлам закондымын вераҥдымым чӱчкыдын тергат. Теҥгече черетан рейд Пролетар урем ден Чавайн бульварыште эртен. Правам пудыртышо- влаклан кум административный протоколым возымо. Материалым комиссийыш колтат. Тений 10-шо январь гыч республикысе административный законодательствыш вашталтыш- влакым пуртымо. Ужалкалыме тыгыде вер- влакым вераҥдыме радамым пудыртымылан штрафым тӱлыктен кертыт. Тыглай еҥ- влак икте гыч кум тӱжем теҥге марте оксам луктын пыштат, должностной еҥ- влак 5 гыч 15 тӱжем марте, юридический лица- влак 30 гыч 50 тӱжем теҥге марте. Тений идалык тӱналтыш гыч ужалкалыме стационар огыл верлам ыштымылан 17 протоколым возымо.