Йошкар-Олаште корно гоч вончымо верлам ешарен волгалтарыме

Эртыше ийын Йошкар-Олаште лӱдыкшыдымылыкым ышташ манын, уремла гоч вончымо верым ешарен волгалтараш пунчалме ыле. Тиде поснак, регулироватлыдыме верла дене кылдалтын. Тиде пашам «Сигнал» МУП 13 верыште шуктен. Волгалтарыме вашталтышым Ленин проспектысе 22-ше В пӧрт кундемыште илыше- влак ужын шуктеныт. Тушто светофор воктене ешартыш тулым пуртымо. Уэмдымашым ышташ тунемме да социал тӧнеж кундемлам ойырен налме. Тиде 19-ше школ, 2-шо школ, оласе эмлыме вер. Волгалтараш Марий машиностроитель заводышто лукмо светодиодан «Альтаир» светильник-влакым кучылтмо. Тиде пашам умбакыжат шуйымо лиеш.