Республикыштына сайлыме участке- влакым пожар лӱдыкшыдымылык шотышто тергеныт

         Республикыштына сайлыме участке- влакым пожар лӱдыкшыдымылык шотышто тергеныт. Госпожнадзорын специалистше- влак 15-ше гыч 17-ше март марте сайлымаш эртышаш участкылашке миеныт. Республикыште чылаже 494 участке уло.  Надзор службын еҥже- влак пожар аралтыш автомат системын пашам ыштымыжым, тулым йӧртымӧ эн кӱлешан средстве- влакын улмыштым да ыштымыштым, эвакуаций корнын могай улмыжым онченыт. Тыгак тӱжвалне вӱдым налме вер- влакым тергеныт. тиддеч посна республикысе сайлыме комиссийын пашаеҥже- влак дене инструктажым эртарыме, огнетушитель дене кузе пайдаланаш кӱлмӧ, тул нерген шижтарыше системе дене кузе пашам ыштыме, эвакуаций знак- влак могай лийшаш нерген ойленыт. МЧС виктемыште увертарыме почеш, участкылаште кум кече жапыште ведомствын пашаеҥже- влак дежурствым наҥгаяш тӱҥалыт.
       Фото: МЧС-ын Марий Элысе виктемже.