Кугу ачамланде сарысе салтакын ӱдыржылан ачажын наградыжым пӧртылтеныт

            Кугу ачамланде сарын салтакшын ӱдыржылан ачажын наградыжым пӧртылтеныт. Курык марий районысо Токари ялыште илыше 81 ияш пенсионеркылан ачажлан пуымо Йошкар Шӱдыр Орденым кучыктеныт. 1944-ше ий 9-ше апрельын ефрейтор Илья Муравьёв тиде наградым налын, но кок кече гыч тудо кредалме годым ӱмыр лугыч лийын. Капшым Псков областьыште тоеныт. Туштак 2019-ше ийыште орденжым верештыныт. Тудын ӱдыржым  наградын номерже дене кычал муыныт, - увертара Курык марий район администрацийын пресс-службыжо.
            Фото: Курык марий район администраций.