Россий первенствын шӧртньӧ медальже Волжск гыч кучедалшылан тӱнямбал арена- влакым почеш

             Россий первенствын шӧртньӧ медальже Волжск гыч кучедалшылан тӱнямбал арена- влакым почеш. Владивосток олаште 18 ияш марте рвезе- влак коклаште греко-рим кучедалмаш дене Российын первенствыже мемнан спортсменлан у сеҥымашым конден. Таҥасымашыште Российысе 59 субъект гыч 432 спортсмен кучедалын. 71 килограмм марте нелытан- влак коклаште Владислав Бырля лийын. Тушто 51 спортсмен шкенжым ончыктен. Ӱчашыше- влак шуко лийыныт гынат, Российын сулло тренерже Серяковын тунемшыже ныл вашлиймашым ӱшанлын модын налын. Финалыште волжанин 8 да 6 счёт дене Чечня гыч кучедалшым сеҥен. Владислав Бырля Москошто олимпий резерв училищыште тунемеш. Турнирын шӧртньӧ медальже тудлан тӱнямбал таҥасымашлаште ӱчашаш Российын сборныйышкыжо пураш йӧным пуа. Кеҥежым Владислав Европын первенствыштыже, вара тӱнян первенствыштыже участвоватлен кертеш.
          Фото: Владислав Бырля.