Марий литературоведенийыште Ким Васинын рольжым каҥашат

              Марий Элысе шанчыеҥ- влак марий литературоведенийыште Ким Васинын рольжым каҥашат. Эрла 12-шо мартыште Йошкар-Олаште Ким Васинын шочмыжлан 100 ий теммылан пӧлеклалтше йыргешке ӱстел эрта. Тушко шанчыеҥ, тӱвыра да туныктыш пашаеҥ, мер деятель, студент да писательын лишыл еҥже- влак ушнат. Мероприятийыште Ким Кирилловичын марий литературоведенийым вияҥдымаште рольжым, краеведений аланыште тудын усталык поянлыкшым лончылаш, марий калыкым чапландарымаште тудын надыржым шымлаш шонат. Тудо 700 утла шанче пашан авторжо. Ким Васинын лӱмжым Йошкар-Оласе ик уремлан пуымо. 2015-ше ий гыч Шернурысо рӱдӧ книгагудо системе тудын лӱмжым нумалеш, - увертара МарНИИЯЛИ.
             Фото: МарНИИЯЛИ.