Йошкар-Олан мэрийже тулык йоча- влаклан пачерым налаш чоҥышо дене контарктым пеҥгыдемден

               Йошкар-Олан мэрийже тулык йоча- влаклан пачерым налаш чоҥышо дене контарктым пеҥгыдемден. Нунылан да ача-аван полышыжо деч посна кодшо икшыве- влаклан ик пӧлеман пачерым налыт. Электрон аукционышто сеҥышыш «Север» специализированный чоҥышо лектын. У пачер- влакын пырдыж ден тувырашышт шымартыме, обойым пижыктыме, сантехник оборудованийым шындыме, пластик окнан, пӧлем кокласе омсан улыт. Ик пачержын акше кок миллионат 186 тӱжем теҥгем эртен. Илыме верын кумдыкшо- 28 квадрат метр. Пачерым 20 декабрь марте пуэн пытарышаш улыт. Пытартыш 8 ийыште Йошкар-Олаште чапле пачерым 360 тулык еҥлан пуымо. 2023-шо ийыште 72 еҥ илемын озаже лийын. А туддеч ик ий ончыч 185 еҥ кидышкыже сравочым кучен.
         Фото: Павел Стариков.