Марий Эл гыч бригада Куйбышев районышто илыме пӧртыштӧ шокшым пуышо системым олмыктен

               Марий Эл гыч бригада Куйбышев районысо Розовко посёлкышто илыме пӧртыштӧ шокшым пуышо системым олмыктен. Вӱдпучым тӧрленыт, системым вӱд дене теменыт. Тыге ырыктыме система пашам ышташ тӱҥалын. Марий Элын представительже- влак ЛЭП-ым тӧрленыт, администраций зданийлам, школ ден йоча садлам, илыме верым, вӱдым ситарыме да ырыктыше системым да молымат ачаленыт. Марий Эл тыгак верысе калыклан электрик плиткам, кӧлан ешартыш шокшо кӱлеш- обогревательым, кочкаш шолташ электроприборым налын пуэн, - ушештара Куйбышев район администраций.
          Фото: Куйбышев район администраций.