Марий Элым вуйлатыше СВО-н участникше- влакын пелашышт да авашт дене вашлийын

            Ӱдырамаш пайрем вашеш Марий Элым вуйлатыше лӱмын эртарыме сар операцийын участникше- влакын пелашышт да авашт дене вашлийын. Юрий Зайцевын кӱштымыжӧ почеш Кичиер санаторийыште нунылан лӱмын смена эртаралтеш. Пайрем вашеш тушко республикым вуйлатыше миен. Тудо ӱдырамаш- влакым пайрем дене саламлен да палемден: ӱдырамаш- влак республикынам ончыко, у пашашке, у сеҥымашлашке таратат, ӱшанле тылым ыштат да пӧръеҥ- влакым сеҥымашке кумылаҥдат. Тидымат ешарен: регионысо кучем операцийын участникше да нунын ешыштлан полшаш ятыр вийым пыштат. Специализированный смена  17-ше март марте эрта. Санаторийыште 200 ӱдырамашлан каныме да тазалыкым пеҥгыдемдыме комплексан программым ямдылыме, тушкак психологий полышат пура.
             Фото: Марий Элым вуйлатышын  администрацийжын увер дене пашам ыштыше пӧлкаже.