Республикыштына телефон дене ондалкалыше-шамыч дене банкын пашаеҥже- влак кучедалаш полшат
Республикыштына телефон дене ондалкалыше-шамыч дене банкын пашаеҥже- влак кучедалаш полшат. Марий Элысе эл кӧргӧ паша министрын алмаштышыже Алексей Коновалов ден уголовный розыскын виктем пӧлкажым вуйлатыше Дмитрий Ведерников Йошкар-Оласе банкын пашаеҥже- влакым Сергей Донин ден Людмила Обуховам осал пашалан чаракым ыштымыштлан наградитленыт. Полицейский- влак банкын тӱткӧ пашаеҥже- влаклан чолга граждан позицийыштлан поро шмакым ойленыт да тауштымашан серыш- влакым кучыктеныт. Банк пашаеҥ- влак мийыше- шамыч дене профилактике мутланымашым эртарат, ондалкалымаш нерген ойлат, оксам кузе йомадараш огыл манын умылтарат. Поснак илалше- влаклан тӱткышым ойырат, кредитым налаш толшо- влак дене утларак мутланаш тыршат.
Фото: МВД-н пресс-службыжо.
Фото: МВД-н пресс-службыжо.