Йошкар-Олаште коммунал техникым колтышо- влакым ойырен налыныт

           Йошкар-Олаште коммунал техникым колтышо- влакым ойырен налыныт. Мэрий урем-корно- влакым эрыкташ коммунал спецтехникым налаш контрактым пеҥгыдемден. Телымат-кеҥежымат кучылташ лийше универсал транспортым налаш тӱҥалыт. Мутлан, ӱштын эрыктыше кок прицепым «Бродвей» компаний колта, трактор ден лумым эрыктыше да комбинированный корно машинам «Спецавтотех» ушем колта, кок универсал коммунал машиным «ИТМ Холдинг»» деч налыт. Техникын тӱшка акше 59 миллион утла тенгеш погына. Шукырак лийшаш ыле, но конкурс процедуро дене кок миллионжым аныклен кодымо. Техникым апрель- июньышто конден шуктышаш улыт,- увертара олан мэрийже.
           Фото: Йошкар-Ола мэрий (архив)