Туныктыш да шанче министр Йошкар-Оласе ик школышто урокым эртарен

            Республикын туныктыш да шанче министрже Йошкар-Оласе ик школышто урокым эртарен. Шымше номеран школын 8-ше классыштыже тунемше- влак дене Лариса Ревуцкая «Кӱлешан нерген мутланымаш» класс деч ӧрдыжсӧ урокышто вашлийын. Тиде арнян урок кажне регионын сеҥымашыже да ончыкылыкшылан пӧлеклалтын. Министр туныктымо пашаште, тӱвыраште, спортышто сеҥымаш- влак нерген каласкален. Палемден: калыкле проект- влаклан кӧра икмыняр школым, йоча садым чоҥымо. Ончыкылык кум ий жапыште 30 тунемме тӧнежым олмыкташ палемдыме. Школлан материально-техник базышт уэмеш, «Точка роста», «Кванториум», «АйТи куб» рӱдер- влак почылтыт. Марий Эл «Туныктыш» калыке проектын 12 направленийыштыже участвоватла. Талантан йоча- влакым рашемдыме да полышым пуымо «Волгенче» рӱдер негызеш уло республике гыч тунемше- влак шке мотымашыштым шуарат. Лариса Ревуцкая ушаштарен: кыдалаш профессионал шинчымашым налше выпускник- влак йодмаш дене пайдаланат. Тыгай специалист- влаклан сай пашадаран пашавер- влакым пуаш республикысе да элысе предприятий- влакат ямде улыт.
           Фото: Туныктыш министерстве.