Марий Элыште таче гыч 17-ше март марте утларак ямде улмо режимым пуртымо

                  Марий Элыште таче гыч 17-ше март марте утларак ямде улмо режимым пуртымо шотышто республикым вуйлатыше Указым пеҥгыдемден. Режим вучыдымо ситуацийым шижтараш да тудым кораҥдаш пурталтеш. Тиде жапыште социал кӱлешан объект- влакым, автомобиль корнылам, илаш кӱлешан объект- влакым пеҥгыдын тергаш тӱналыт. Вучыдымо ситуаций годым аварий да утарыме пашам шукташ инженер техникым ямде кучат, увертарыше системым тергат. Виктем орган- влакын вуйлатышышт ден должностной еҥышт сутка мучко дежурствым наҥгаят. Указым кузе шуктымым Марий Эл Правительстве вуйлатышын алмаштышыже Степан Воронцов терген шога.
             Фото: Марий Элым вуйлатышын  администрацийжын увер дене пашам ыштыше пӧлкаже.