Кокшайск гыч кадетым Российысе Общественный палатыш наградым кучыкташ ӱжыныт

            Кокшайск гыч кадетым Российысе Общественный палатыш наградым кучыкташ ӱжыныт. Москошто йоча да самырык- влакын «Славься, казачество!» Россий кӱкшытан 9-ше усталык конкурсыштын сеҥыше ден призёржо- влакым торжественно наградитленыт. Конкурсыш элысе 54 регион гыч кум тӱжемат 513 паша пурен. Участник- влак нылыт гыч 35 ияш марте лийыныт. Нуно живопись, графика, компьютер графика, кино- да видео усталык номинацийлаште таҥасеныт. Конкурсын призёржо радамыш Кокшайск села гыч «Александр Невский шнуй ӱшанле князь» казак отрядын казакше Николай Брыкин пурен. Николай «живопись» номинацийыште кумшо верым налын. Тудо тений Суворовский военный училищыш пураш ямдылалтеш, ачаже семынак офицер лийнеже,- увертара Кокшайск селасе Покро храмын приходыштыжо.
           Фото: Епархийын сайтше.