Полиций пашаеҥ- влак Йошкар-Олаште ювелир кевытым толымашым почыныт

            Полиций пашаеҥ- влак Йошкар-Олаште ювелир кевытым толымашым почыныт. Тиде осал пашам 8-ше февральыште ыштыме. Преступник шӧртньӧ кидшол- влакым 700 тӱжем теҥгелан солалтен. Кевытын  менеджержын мутшо почеш, маскым чийыше палыдыме еҥ пӧлемыш пурен да кӱртньӧ пуч дене витриным пудырен, шергакан сӧрастарымашан кок лотокым налын да шылын. Полицейский- влак шымлымеке еҥым рашемденыт, Саранскыш командировкыш каен тудым кученыт. Тиде тушто илыше 35 ияш ондак судитыме еҥ улмаш. Пачерыштыже толымо шӧртньӧ ӱзгаржын ужашыжым верештме. Кугурак ужашыжым ломбардыш пуэн, икмыняр кидшолжым шылын кайымыже годым подвалеш луктын возен. Осал пашам ала -мыняр кече шонкален ямдылен. Йошкар-Олаш толын, чыла кузе ыштышашым вискален, ончен каен. Уголовный пашам тарватыме.
        Фото: Республикысе МВД-н пресс-службыжо.