Республикын бюджетше шушаш ийынат социал корныжым арален кода

Республикысе финанс министерствыште Марий Эл Кугыжаныш Погын Депутат кечым эртарен. Тудым визымше, бюджет сессийлан ямдылалтме кышкарыште погымо. Сессий 28-ше ноябрьыште лийшаш. Депутат- влак республикын шушаш ийлан да 2021-ше 2022-шо ий- влаклан республикын бюджетше нерген закон проектым да ончыкылык кум ийлан республикым социал-экономик вияҥдыме прогнозым каҥашеныт. Экономически вияҥмаш министр Дмитрий Пугачёв палемден: тӱҥ тӱткыш калыкле проект- влакым да регионысо 53 проектым шаҥдарымылан ойыралтеш. Шуктышаш тӱҥ паша- влак корным, очистной сооружений- влакым чоҥымаш, тошто пӧртла гыч калыкым кусарымаш, школ да йоча сад, тазалыкаралтыш дене кылдалтыт. Промышленный комплекс, ял озанлык, эн ончыч вольык озанлык, тӱҥ верыште лийыт. Инвестицийым кондымо шотышто пашам умбакыже шуйымо лиеш. Финанс министр Алексей Торощинын мутшо почеш, шушаш ийлан бюджет дефицит деч посна чумыргышаш, а 21-22-шо ийлаште профицит лийшаш. Тачысе кечылан консолидированный бюджетын парыш ужашыжым 36 миллиард утла теҥгем палемдыме, республикын- 32 миллиард утла теҥгем. Республикын бюджетше социал корныжым арален кода.