Марий Элым вуйлатыше Юрий Зайцев Республикыштына Ешын талукшылан пӧлеклалтше организационный комитетын заседанийжым эртарен

              Марий Элым вуйлатыше Юрий Зайцев Республикыштына Ешын талукшылан пӧлеклалтше организационный комитетын заседанийжым эртарен. Заседанийыште палемдыме: республикыште 292 тӱжем еш ила, тушечын лу тӱжемже шуко шочшан ешлан шотлалтыт. Шуко шочшан ешын 85 процентше кум икшыван улыт. Республикысе эн кугу ешыште лу йоча ила. Ешын талукшо кышкарыште тӱҥ мероприятий- влак планым ыштыме. Тушко тӱвыра да тӱшка, спорт, мер мероприятий- влак, йоча ден самырык- влаклан ешын шерге улмыжо нерген умылымашым пеҥгыдымдыше мероприятий- влак лийыт. Планыш чылаже 111 мероприятийым пуртымо. Тенийсе ик эн ойыртемалтше мероприятийлан «Лишыл да йӧратыме- влак» еш форум, «Еш команда» спорт еш фестиваль, еш илышын юбилярже- влакым, ятыр тукыман еш-шамычым саламлымаш шотлалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.