Марий Элым вуйлатыше мобилизоватлыме еҥ- влакым ужатымашке миен

           Теҥгече Марий Элым вуйлатыше Юрий Зайцев Россий Вооруженный вийыш республикысе калыкым колтымо пунктыш миен. Тудо «Марий Эл» Арена» куштылго атлетике манежыште пашам ышта. Лач тушко частичный мобилизаций почеш ӱжмӧ еҥ- влак погынат. Юрий Зайцев толшо- влакым регистрироватлыме да сухой паёкым пуымо верлам ончен, ӱжмӧ еҥ- влаклан чыла мо кӱлешым кузе пуымым терген. Вара мобилизоватлыме пӧръеҥ- влак дене мутланен да ӱшандарен ойлен: нунын ешыштлан чыла кӱлешан полышым пуымо лиеш. Мый лӱмын тыланда памяткым ямдылен пуэдаш йодым. Тушто чыла кӱлешан уверым чумырымо. Те ветеран лийын пӧртылыда, тыланда да ешланда чыла льгота пуалтеш. Мый ӱшанем, чылан пӧртыл толыда. Республикым вуйлатыше кугешнен палемден: Марий Элысе пӧръеҥ- влак призыв деч шылын огыт кошт да элна верч кредалаш ямде улыт. Службо деч вара ме тендам эше торжественнырак вашлияш тӱҥалына. Илыше да таза пӧртылза, ме тендам вучена,- каласен республикым вуйлатыше. Мобилизоватлыме влак сугынь мутым совым кырен да «Ура!» ой дене вашлийыныт.
             Фото: Марий Элым вуйлатышын организаций да аналитик виктемже.