Марий Элыште «Ужар Россий» акций эртен

             «Чодырам арален кодена» да «Сеҥымашын чодыраже» акцийлан тӱҥ мероприятийже- «Ужар Россий» Марий Элыште эртен. Каныш кечылаште акций Куяр лесничествын Устье-Кундыш участковый лесничестве кундемыште лийын. Кум гектар наре кумдыкеш шым тӱжем тыгыде пӱнчым луктын шындыме, а ныл гектар утла кумдыкеш 11 тӱжем наре озым вераҥын. Пӱртӱс поянлык министерствын ямдылыме мероприятийыш 140 еҥ ушнен. Нуно тӱрлӧ вере пашам ыштыше улыт. Пашам тӱналме деч ончыч погынышо- влаклан инструктажым эртареныт. Мероприятийым торжественно почмаште Правительство вуйлатышын икмыше алмаштышыже Евгений Кузьмин, пӱртӱс поянлык министр Алексей Киселёв, «Ужар Россий» толкынын марий пӧлкажым вуйлатыше Валерий Черных сай паша кумылым тыланеныт.
             Фото: Пӱртӱс поянлык министерстве.